BUCH VUM MOUNT

Januar 2012

Kolja a Galina: Wa Kuebe reesen

Autor: Dany Gales
Verlag: SNE Editions
ISBN: 978-2-87992-700-8

Kolja a Galina
wa Kuebe reesen

Déi zwee Kueben Kolja a Galina liewen a Russland. Well et hinnen do am Wanter ze kal ass, man se sech op d’Rees. Ënnerwee begéinen se villen Déieren: engem Hond, enger Kaz, engem Schwäin, engem Schof an nach villen aneren. Si froen all Déier, wat et am Wanter mécht, fir datt et him net kal gëtt.                                                          
De Kolja an d’Galina kréie witzeg, eescht, häerzlech awer och kal Äntwerten…

Dëst weidert Buch vum Dany Gales (aner Bicher: „Der kleine Vogel und das dicke Huhn“, „Blaukatz und Goldfisch“, „Bullkirull“) ass eng wonnerbar Kombinatioun vu Billerbuch a Sachbuch: dem Dany Gales seng faarweg Illustratiounen an déi kloer Duerstellunge vun den Déiere spriechen och scho kleng Kanner un. D’Erklärungen, wéi d’Déieren sech am Wanter virun der Keelt schützen, liwweren awer och Äntwerten op Froen, déi méi grouss Kanner sech bestëmmt scho gestallt hunn.       
Am Buch ass eng CD, wou d’Geschicht op Lëtzebuergesch, Däitsch a Franséisch erzielt gëtt a wou och Lidder dran agebaut sinn. D’Texter vun der Lidder, an den dräi Sproochen,leien op engem separate Blat och dobäi.                                                                 
E Buch, dat villsäiteg kann agesat gi bei Kanner vun 3 Joer un.

[Fenster Schliessen]